Статьи
Кто онлайн?
Пользователей: 0
Гостей: 2
Сегодня зарегистрированные пользователи не посещали сайт

Сафари

7 декабря 2016 - Сажидин Саидгасанов

 Сафари

САФАРИ
Шагь дагъларин синераллай хар хьана,
Атай цифер Хазар гьуьлел гар хьана,
Пекдин чIарар къуьнераллай зар хьана,
Вун Дербентдин марал я жал, Сафари?

Къизилгуьллер хъуьрез вилер, шад хьана,
Гьар са зерре Мекке Земзем яд хьана.
Лезги чилел алайди ви ад хьана,
Вун Дербентдин марал я жал, Сафари?

Женнетдин нур аквазва ви вилерай,
Атирдин ни къвезва яргъи тиллерай.
Лали гевгьер хьиз жагъанвай гьуьлерай,
Вун Дербентдин марал я жал, Сафари?

Ван хьайила Аллагьдиз зи гафарин,
Вал бахт къвада цуьквер хьана гатфарин.
Туьтуь къуш тир, тIварни къизил гьарфарин,
Вун Дербентдин марал я жал, Сафари?

Сажидинахъ гуьзел гафар мад авай,
Гьар садахъ са ширин нямет-дад авай,
РикIин къене гуьзел гатфар, гад авай,
Вун Дербентдин марал я жал, Сафари?
Припев:
Цава гъетер, чиле цуьквер атирдин,
Руьгь кутуна зак и гуьзел гафари.
Лайихлу руш муьгьуьббатдин къадирдин,
Вун Дербентдин марал я жал, Сафари?
 

Комментарии (1)
Саида # 12 февраля 2022 в 14:03 0
Гьурметлу Сажидин халу,квез виш йисан уьмуьр гурай Аллагьди, мецел цуькведин багъ къугъвазвай. Зун гзаф ашукь я куьне тьук/уьрзавай ч/аларал.