Статьи
Творчество
Видео
Кто онлайн?
Пользователей: 0
Гостей: 34
Сегодня зарегистрированные пользователи не посещали сайт

80-летие Сажидина

 80-летие прэта Сажидина

ХАЛКЬДИН РУЬГЬДИН АМАНЕВИ

Шаир Сажидин Саидгьасанован 80 йис хьанва. И вакъиади чав адан уьмуьрдин ва яратмишунрин рекьиз мад гъилера вил вегьез вугузва. Юбилейдиз талукь яз газетриз-журналриз акъатзавай макъалаяр, шаирдин фад, жуьреба-жуьре йисара кхьенвай чIалар кIел хъийиз,цIийи эсеррикай веривердер ийиз тазва. Иллаки ихьтин кар алай макъалайра вичин чIалар вилив хуьзвайбурун вилик гурвилелди вичин эсерар эцигда. ИкI тирди чаз адан 50, 60, 70 йисар къейд ийидайлани акуна.
Гила 80 йисан юбилейдизни Сажидин муаллим кIелзавайбурун вилик жумартвилелди, лезгийри лугьудайвал, ацIай гьебеяр гваз экъечIзава. ГьикI лагьайтIани адаз халкьди вичиз гьуьрметзавайди, адан вил вичин цIийи шииррал, гьикаяйрал, макъалайрал ва алай аямдикай ийизвай веривердерал алайди шаирдиз чизва. Ихьтин чIехи майилдиз Сажидин хьтин гегьенш ва ахъа рикI авай касдивай вичин патай хайи халкьдизни Ватандиз авай кIанивилин са мискьални тIимилриз жедач, ада ам, а муьгьуьббат, югъ-къандивай къалинарзава, ада халкьдал ийизвай дамах къвердавай артух жезва. Им акI лагьай чIални жезва хьи, шаирдин халкьдин руьгь дериндай чирзава, адан тарихни гьуьндуьрар вичин рикIе давамарзава.
ДатIана халкьдин юкьва, адан рикIикай яд хъваз уьмуьр тухвай эдебиядчидикай фадлай халкьдин шаир хьанвайди инкариз жедач. Сажидинан тIвар ва адан чIалар течидай лезгияр авач жеди. АватIа, а ксар, чеб лезгияр лугьузватIани, лезгивилин дережадив гьеле агакьнавач. Садра агакьда лугьуз умудзава чна.
Сажидин муаллимдин чIалар сифте яз за гьеле мектебда кIелзамайла, алатай асирдин 70-йисара Дагъустандин ктабрин издательствода акъатай «Чешме» кIватIалдай кIелнай. А ктабда са жерге шаирар гьатнавай. Ктаб туькIуьрнвай сейли ва халис шаир Ибрагьим Гьуьсейнов тир. Ада гьар жегьилдин алакьунриз са шумуд гафуналди къимет ганвай. Гьар садан кьетшенвал чара авунвай. Сажидинан чIалара авай иллаки сатирадинни юмордин хвал кьатшенди тирди къалурнавай. Машгьур шаирдин кутун умудар ичIибур хьаначир. А чIавай ктабда гьатнавайбурукай къе Тажидин Агьмедханов (рагьмет хьурай ичиз) Пакизат Фатуллаева, Мердали Жалилов хьтин шаиррин тIварар чи эдебиятда мягькемдиз чка кьунвайбур хьанва. Сажидин Саидгьасановни гьа жергедай я.
«Чешмедиз» акъатай кьве шиир. «Вун накь вучиз атаначир?», «Темпелдин хиялар» гьа йисара садлагьана халкьдин рикI алай манийриз элкъвена. А манийрин чIалар (авазарни галаз) къени иски хьанвач. Девирар дегиш хьайила, абуру генани цIийидаказ, гужлудаказ ван ийизва. «Вун накь вучиз атаначир?» цIарцIикай халкьдин мисал хьана. Им акI лагьай чIал я хьи, жемятдин шаирдин бажарагъдин кьетIенвал ва дуьзвал дериндай гьисс авуна, муькуь патахъай, шаирдизни халкьдин руьгьдин симерик вичин илгьамдин тезенаг гьикI гелядатIа чизва, адаз гьахьтин пай ганва. «Темпелдин хияларай» цIарар къачун:
Гатфар бере, жагъун кIане,
Кьве хъикьифдин верг хьанайтIа!
Куьк якIун хинкIардин винел,
Хкяйнекни серг хьанайтI!

Папакайни жен тIапIахъан,
Жуван кIвале – жув тамада!
Япара жен манидин ван,
Жедайвал даим тIамада!

ЦипицI медни дуьдгъвердин кIватI,
Хьран чими фу хьанайтIа!
Суфрадал са эрекьдин кьатI,
Са кьве «Рычал-су» хьанайтIа!

Як кIаневай ашдин кьилел,
Пис тушир хурма хьанайтIа!
Хамдиз хвей таза кIелен
Са цIд кIус дулма хьанайтIа!...
Заз чиз, ибур темпелдин хиялар хьунал са акьван кар алач. Темпел – гьа темпел я. Шаирдин кьилин везифа ва шаирди хкяйнавай жуьре – темпелдин вилералди ва ичIи хиялралди халкьдин ацукьун-къарагъун, тIуь-хъун, меденият къалурун я. Гьа и кар я таъсирзавайди кIелзавайдан рикIиз. Им зурба алакьун я.
Инал заз мад гъилера Ибрагьим Гьуьсейнова Сажидиназ гузвай мад са къиметдал хквез кIанзава. Вичи масабуруз кьит-кьит, амма садрани чин такьуна къимет гун хас тир шаирдин патай ихьтин гафар къачун кьисмет хьайибур лап тIимил я. Ингье вуч кхьизватIа Ибрагьим Гьуьсейнова «Адан дережа» макъалада: «Сажидинан шиирри бязи алай аямдин гъейри шаиррин шиирри арадал тегъизвай веривирдер гьасилзава. Етим Эминан шиирра хьиз, СтIал Сулейманан шиирра хьиз. Шииррин цIарцIин савадлувилин барадай чи шаиррин арада Сажидин лап садлагьайбуркай я. Шаирдин хейлин шиирар жемятрин арада машгьур я, адан ктабрихъ кIелдайди цIигел я. Сажидинан гаф кIелдайдаз таъсирлу я. Сажидинан шаирвилин талантдин гьайбат эвелни-эвел адан шииррин цIарцIин дуьзгуьнвиле ава». («Лезги газет», 1997-йисан 10-октябр».
РикIивайни,цIарарин, шиирар туькIуьр хьунин къайдайрал мукьуфдивди амал авунин, кетигар (рифмаяр) туькIвейбур, халисанбур хьунин жегьетдай Сажидин муаллимдин устадвал вини кIарара авайди я.Етим Эминан, СтIал Сулейманан дережайрилай чешне къачуз, ада вичин кьетшен рехъ туькIуьрнава. А рехъ виридакай виле акьадайвал аквазва. ЯтIани, шаирдиз гагь-гагь чIехи шаиррин неинки чIаларин кIалубриз, гьакI гьатта абурун чIаларизни мукьва жедай ашкъи жезва. Им, гьелбетда, сифтени-сифте чIехи шаирриз ийизвай гьуьрметдин лишан я, муькуь патахъай, жуван къелемдик вуч кватIа чириз алахъун я.
Ингье Сажидина вичин «Дердер» шиирада Сулейманан «илгьамдин шивцел» акьахна къалурзавай гьунар:
Иеси кьей «Волга» машин,
Вакай халис лам хьана хьи,
Вун акурла халкьдиз гишин,
Са артухан гъам хьана хьи!

Гьар са хуьруьн кьилин кIаник,
Гваз къекъвезва вилин кIаник,
Рух такурбур тумун кIаник
Халичани гам хьанва хьи!

Халкь тарашдай рекьер девлет
Жагъурзава рекьер хевлет,
Ийизвайбур гьар са къилет,
Президентдин зам хьана хьи!

Я кичIевал, амач гьая,
Руьгь авачир гьар са пая,
Ваз кIамай кьван тегьер ая,
Чинрал мегъуьн хьанва хьи!

Чеб акъатай течиз ери,
Ахмакьбурай кьазва вири.
АкьалтI тийир нек хьиз фири,
Хъвадай яхцIур мам хьанва хьи!

Вуж хьайитIан хуьруьн кьилер
Гъиз-эцигиз, кузва эллер.
Буьркьуь хьуй чеб акур вилер,
Чаз кхьейди кам хьана хьи!

Сажидинан веривердер –
Гваз къекъуьн я халкьдин дердер,
Я адалат гвачир «сердер»,
На чухвайди кьам хьанва хьи!

И шиирар кIелайла, акI жеда хьи, гьа икI лугьудай, и чIал кхьиналди Сажидиназ гьакI лугьуз кIан хьана жеди. Идалайни гъейри, им шаирди чеб Сулейманан чIалар туьхкIуьрзавайбур я лугьуз тупар ядай бязи «кашабхъанриз» къалурзавай чешнени я, «ийидайди икI ийидайди я, куьне хьиз кубутдаказ ваъ» лугьун я.
Вичин хусуси къелемдин хатIуналди чи девирдикай шаирди «Сажидинан веривердер» шиирда ингье вуч лугьузватIа:
Ахъагъайла дуьньядиз вил,
Акъатзавач, дустар, зи кьил.
Виликдай зав вугайбур гъил,
РикIе кIватIиз зегьер туькьуьл,
Кьил кьуьхве тваз чуьнуьх жезва!
«Кавха» макьамдал ийиз кьуьл,
Зайиф чанар хуьнуьх жезва.

Вири лезги рухваяр я,
Са хва-стха, архаяр я.
Са бязибур хахаяр я.
Са бязибур, хуьз чпин кьил,
Руьгь авачин чухваяр я.
Кайи чIавуз кIвачерик чил,
Катдай ламран рухваяр я!

ТIуруни нез, тумуни вил
Акъуддайдай куьз ганай гъил?
ЧIехидакай кьуна хьиз гъуьл,
Жуван лезги маса гудан?!
Хун паталди дустунин кьил,
Чара касдив аса гудан?...

Гьайиф, им чи къенин югъ я, чи гьал я. Им кьилди са хуьруьз, са чкадиз талукь месэла тиртIа,
шаирдин къелемдиз худ гудачир. Им вири халкьдихъ галаз алакъада авай туькьуьл гьакъикъат я. Ина зарафатдин ва я сатирадин гъвелни авач, рикIин тIалдалди кхьенвай чIал я. Адаз нивай, «акI туш, масакIа я» лугьуз жеда? Ахьтинди бажагьат жагъида. Шаирди чун авай гьалдикай хабар гузва, тараз якI язава. Тагьлукь ксариз ван жедатIа яраб?
Сажидин муаллимдикай гзаф рахаз ва кхьиз жеда. Икьван чIавалди за адакай кхьена (адан 70 йис хьайи чIавуз) «Дагъустандин правда» газетдиз «Секинвал тийижир Сажидин» макъала акъуднай. Ам за цIи акъатнавай «Гаф давам жезва» ктабдикни кутунва. Гьавиляй заз ана кхьенвай гафар тикрар хъийиз кIанзавач. Амма ана зун шаирди туькIуьрнавай «Риваятрин камари» ктабдикай са шумуд гаф раханвай. И ктабда кьилин чка инсандин бедендин паярикай тир халкьдин мисалри кунва. Им, ихьтин къариб ктаб хьун ажаиб я, дуьньядин эдебиятда тахьай хьтин дуьшуьш я. Ихьтин ктабар мад зал туш хьанач. Ими шаирдин чи халкьдин руьгьдин девлетар артухаруник кутунвай чIехи пай я.
Инал заз мад са кардикай лугьуз кIанзава.
Захъ «Сажидин Саидгьасановаз ачух чар» шиир ава. Гьамни са цIуд йис идалай вилик хьайи талукь яз кхьейди тир. Ама къе за на лугьуз жуван жуван рикIиз са тIимил гъуьнтI таганани авач. Вучиз лагьайтIа ана за, Сажидин муаллимдихъ элкъвена, дуствилин, къелемдин рекьяй амадагвилин, мукьва-кьиливилин гьиссерикай даях кьуна, хъуьтуьл зарафат кваз, авур кьван кат-калтугун бес я, гила ял ягъа лугьузва. ИкI лагьана лугьуз за гила гьайиф чIугвазва.
И юбилейдин йикъара чапнавай «Мажал авач рекьидай» шиирда Сажидин муаллиди вичин рикIик гзаф крар кумайди лугьузва. Абур вири кьилиз акъудун патал кат-галтугун, гьерекат герек я. Шаирдиз уьмуьрдин яргъалай, къулай чкадал ял акъадариз, килигна виже къведач. Гьавиляй за Сажидин муаллимдиз « Гьамиша гьерекатда хьухь!», гьа вичин рикIи эверзавайвал ая лугьузва. Адан рикIи лугьузва:
Хиялри зун гваз къекъвена луварал,
Агакь тавур гзаф ама чкаяр.
Зун чархачи хьана шумуд суварал,
Къенинди – къе, заз чир хьанач пакаяр!

Жува-жуваз кутугнавач къимет гун,
Халкь – зи Судья, къвезмай несил – шагьидар.
Я аферин лугьун, я туш туьгьмет гун,
Зун куьн вилик буржлуз ама, игитар!

Им неинки са жуван уьмуьрдин нетижа кьун, адан баян гун я, им чаз, шаирдин аямдарриз, ганвай уьмуьрдин чIехи тарсни я. Гъавурда акьадайда ам кьабулда.
Сагъ хьрай вун, Сажидин муаллим! Ваз баркалла! Ва берекат галай и юбилей мубарак хьурай!
Арбен Къардаш.

АКВАЗВА
(Шаир Сажидин Саидгьасанован 80 йисан юбилейдиз)

Зун булах я, авач инихъ аламат.Сажидин

Хкаж хьанва 80 йисан синел вун,
Ваз дуьньядин писни хъсан аквазва.
Ацукьнаваз кьакьан дагъдин винел вун,
УькIуьд, цуруд, дустни душман аквазва.

Гьакъикъатда вун шииррин булах я,
Ви гафарал чун рикIивай чIалахъ я.
Вун чи панагь, вун чи даях, дамах я,
И кар элдиз язва аян, аквазва.

Хуш жезва ви яд инсанрин рикIериз,
Бегьер гъизва ви ятари никIериз,
Атир гъизва къизилгуьлдин цуьквериз,
ТагайтIани чна баян, аквазва.

Вун булах яз, саки гьуьл кьван дерин я,
Гагь лепеяр алаз, гагьни секин я,
Ятарни ви гатун юкъуз серин я,
Язва абур рикIин дарман, аквазва.

Вун са устад сеняткар я, шаир я,
Азиза ваз бахшзавайди шиир я.
Шаирвилин сенятда вун магьир я,
Ядигар яз Сулейманан аквазва.
Сажидинан юбилейдин 80 йис


ЛИШАНЛУ ВАКЪИАДИЗ ЭЛКЪВЕНА
Алай йис чи милли эдебиятдин уьмуьрда са жерге машгьур шаиррин, писателрин ююбилейралди лишанлуди хьана. Алай йисан чи юбиляррин сиягьда майдин вацран и гуьзел йикъара вичин уьмуьрдин 80-гатфар къаршиламишзавай бажарагълу шаир, хъсан общественник, РФ-дин писателрин ва журналистрин Союзрин член

ТЕБРИКРИН КЕЛИМАЯР
Гьуьрметлу Сажидин муаллим! Вун зурба шаирни, хъсан муаллимни я. Гьа межлисда Яралиева лагьайвал, ваз халкьдин шаир лагьай зурба тIвар гуниз лайих я. Иншаллагь, гьакI хьунухьни! Жедайдахъ чунни инанмиш я.
Хуьруьга вуна Хуьруьг Тагьиран мярекатдал лагьанай: «Яраб чи ктабар икI ( Х. Тагьиран 2 том хьиз) мус акъуддатIа?». ЦIи чи «Просвещениядин» фондуни акъудзавай лезги шаиррин кIватIалда шикилни галаз ви лап хъсан шиирар акъатда. И шииррин кIватIал къуй савкьват хьурай шииратдал рикI алай вирибуруз!
Гадаяр, мугьманар (Америкадай атанвай) 12, 30-даз Дербаентдай хъфидайвал я. Гьавиляй, вуна ихтияр гайитIа, зун абур рекье тваз хъфида. Сажидин, ваз юбилей мубаракрай, ваз чандин сагъвал, рикIин шадвал, къелемдин хцивал ва мадни вуч хъсанвилер аватIа, хьурай! Куьн хуьре ва хизанда бахт, берекат артух хьурай. Вун къужахламишзавай Магьмуд муаллим. И гафар кIелиз агакьнач, куьн райондин «Куьредин хабарар» газетдиз кьванни це!


Автор текстов любимых лезгинских песен Сажидин Саидгасанов празднует свой 80-летний юбилей
        17 мая на базе Сулейман-Стальского районного Дворца культуры им. И. Г. Тагирова состоялось торжественное мероприятие по празднованию дня рождения общественника, поэта, журналиста Сажидина Саидгасанова. Как сообщили РИА «Дагестан» в ДРО Приемной Медведева, автор текстов любимых лезгинских песен, книг и статей, празднует свой 80-летний юбилей. 
Мероприятие началось с исполнения музыкального произведения национальным инструментальным оркестром района. Заместитель редактора районной газеты «Кюринские известия» Абидин Камилов рассказал о жизненном и творческом пути юбиляра.
«Родился Сажидин Саидгасанов 2 мая 1933 года в селе Ашагастал Сулейман-Стальского района. Окончил Дагестанский государственный университет им. В.И. Ленина. Является заслуженным работником культуры, наставником молодежи Республики Дагестан, отличником народного образования ДАССР, член Союза писателей РФ. В последние годы занимается возрождением духовной лезгинской литературы. Большое внимание уделяет детскому патриотическому воспитанию. Участвует во всех образовательных и районных мероприятиях. Всю свою жизнь Сажидин Саидгасанов посвящает родному району, детям, поэзии», - отметил А. Камилов.
Поздравить Сажидина Саидгасанова со знаменательной датой пришли депутат Государственной Думы Мамед Абасов, глава района Нариман Абдулмуталибов, глава городского округа «город Дербент» Имам Яралиев, руководители районных управлений и организаций, коллективы образовательных учреждений района, коллеги, поэты и другие.
«Уважаемый Сажидин Саидгасанов, от всей души поздравляю Вас со знаменательной датой – 80-летием, - сказал депутат Государственной Думы Мамед Абасов, тепло поздравля дорогого юбиляра. - Являясь одним из ярких и достойных представителей лезгинского народа, Вы внесли свой личный и большой вклад не только в развитие национальной литературы, но и художественной культуры лезгин в целом. В своем творчестве Вы всегда пропагандировали тему нравственности и моральной чистоты, проникая в духовный мир наших современников. Вас, настоящего патриота своей малой родины, всегда отличали истинная интеллигентность и гражданственность. Искренне желаю Вам доброго здоровья, новых творческих успехов, мира и тепла Вам и Вашим близким!»
«Собравшиеся отмечали, что всеми уважаемый Сажидин Саидгасанов является истинным патриотом своей родины и заслуживает звания народного поэта. Несмотря на свой непреклонный возраст, юбиляр тесно общается с детьми, ведет активный образ жизни и потому ему будет оказана материальная помощь в издании последующих его книг», - сообщил источник.
В рамках мероприятия глава района Нариман Абдулмуталибов вручил юбиляру награду - «Почетный гражданин Сулейман-Стальского района». На торжестве дагестанскими и районными артистами и певцами Фаризат Зейналовой, Седакет Керимовой, Сейранат Наджафовой, Русланом Пирвердиевым были исполнены песни на стихи Сажидина Саидгасанова. А коллективом лезгинского музыкально-драматического театра им. Сулеймана Стальского были исполнены юмористические сценки по мотивам произведений поэта.
«АЛАМ» (6) №3 июнь – 2003 Баку. - лезги культурадин журнал

         19.05.2013 Автор: RIA Dagestan Рубрика: Новости Дагестана, Северный Кавказ Отзывов нет » В Сулейман-Стальском районе отпраздновали 80-летний юбилей общественника, поэта, журналиста, автора текстов лезгинских песен, книг и статей Сажидина Саидгасанова, сообщили РИА «Дагестан» в пресс-службе муниципалитета. Торжественные мероприятия, посвященные празднованию этой даты, прошли 17 мая, на базе сулейманстальского районного Дворца культуры им. И.Г. Тагирова.Мероприятие началось с исполнения музыкального произведения национального инструментального оркестра района. Заместитель редактора районной газеты «Кюринские известия» Абидин Камилов рассказал о жизненном и творческом пути юбиляра. В частности, он отметил, что родился Сажидин Саидгасанов 2 мая 1933 года в селе Ашагастал Сулейман-Стальского района. Окончил Дагестанский государственный университет имени В.И. Ленина. Является заслуженным работником культуры, наставником молодежи Республики Дагестан, отличником народного образования ДАССР, членом Союза писателей РФ. Является обладателем 7 дипломов и множества государственных наград. В последние годы занимается возрождением духовной лезгинской литературы. Большое внимание уделяет детскому патриотическому воспитанию. Участвует во всех образовательных и районных мероприятиях. Всю свою жизнь Сажидин Саидгасанов посвящает родному району, детям, поэзии.Поздравить Сажидина Саидгасанова со знаменательной датой пришли глава района Нариман Абдулмуталибов, глава городского округа «Город Дербент» Имам Яралиев, депутат Государственной Думы Мамед Абасов, руководители районных управлений и организаций, коллективы и учащиеся образовательных учреждений района, коллеги из районных и республиканских СМИ, поэты и писатели, коллектив лезгинского музыкально-драматического театра имени Сулеймана Стальского, родные и близкие.«Сегодня среди нашего народа мало тех, кто творчески осмысливает различные перипетии жизни, воспевающие добро и красоту, немного таких, которые могут гордиться своим незыблемым богатством – 80-летием. Наш замечательный земляк Сажидин Саидгасанов – один из немногих, кого мы сегодня можем поздравить с таким славным юбилеем», – тепло поздравил юбиляра глава района Нариман Абдулмуталибов.Н. Абдулмуталибов вручил юбиляру высшую награду – «Почетный гражданин Сулейман-Стальского района». «К десяткам моих наград прибавилась еще одна, – признался поэт, – но зато самая ценная».На мероприятии со словами поздравлений к Сажидину Саидгасанову обратились И. Яралиев и М. Абасов. Они отметили, что Сажидин Саидгасанов является истинным патриотом своей родины и заслуживает звания народного поэта. Они подчеркнули, что, несмотря на свой преклонный возраст, Сажидин Саидгасанов тесно общается с детьми, ведет активный образ жизни и потому юбиляру будет оказана материальная помощь в издании последующих его книг.Также поздравили поэта директор лезгинского музыкально-драматического театра имени С. Стальского Алибег Мусаев, художественный руководитель театра Эседуллах Наврузбеков, корреспонденты республиканской газеты «Лезги газет» Шагабудин Шабатов, Мердали Жалилов; председатель творческого Союза лезгинских писателей, народный поэт Дагестана, журналист Максим Алимов, редактор районной газеты «Кюринские известия» Мирземет Наджафов, журналист и композитор Кахриман Ибрагимов и другие.В юбилейном вечере поэта приняли участие известные лезгинские артисты эстрады и театра Фаризат Зейналова, Седакет Керимова, Сейранат Наджафова, Руслан Пирвердиев, Зарифа Кухмазова, Агахан Агаханов, Абдуллах Габибов, а также артисты районного Дворца культуры, которыми были исполнены песни на стихи и показана сценка «Чья ты жена?» по мотивам произведений поэта. Аккомпанировал исполнителям национальный инструментальный оркестр района под дирижерством заслуженного работника районного Дворца культуры Наримана Османова. РИА «Дагестан» - Республиканское информационное агентство Новости Нальчика и КБР - 07kbr.ru
17 мая на базе Сулейман-Стальского районного Дворца культуры им. И.Г.Тагирова состоялось торжественное мероприятие по празднованию дня рождения общественника, поэта, журналиста Сажидина Саидгасанова. Как сообщили РИА «Дагестан» в ДРО Приемной Медведева, автор текстов любимых лезгинских песен, книг и статей, празднует свой 80-летний юбилей.
Мероприятие началось с исполнения музыкального произведения национальным инструментальным оркестром района. Заместитель редактора районной газеты «Кюринские известия» Абидин Камилов рассказал о жизненном и творческом пути юбиляра.
        «Родился Сажидин Саидгасанов 2 мая 1933 года в селе Ашагастал Сулейман-Стальского района. Окончил Дагестанский государственный университет им. В.И. Ленина. Является заслуженным работником культуры, наставником молодежи Республики Дагестан, отличником народного образования ДАССР, член Союза писателей РФ. В последние годы занимается возрождением духовной лезгинской литературы. Большое внимание уделяет детскому патриотическому воспитанию. Участвует во всех образовательных и районных мероприятиях. Всю свою жизнь Сажидин Саидгасанов посвящает родному району, детям, поэзии», - отметил А. Камилов.
       Поздравить Сажидина Саидгасанова со знаменательной датой пришли депутат Государственной Думы Мамед Абасов, глава района Нариман Абдулмуталибов, глава городского округа «город Дербент» Имам Яралиев, руководители районных управлений и организаций, коллективы образовательных учреждений района, коллеги, поэты и другие.
«Уважаемый Сажидин Саидгасанов, от всей души поздравляю Вас со знаменательной датой – 80-летием, - сказал депутат Государственной Думы Мамед Абасов, тепло поздравляя дорогого юбиляра. - Являясь одним из ярких и достойных представителей лезгинского народа, Вы внесли свой личный и большой вклад не только в развитие национальной литературы, но и художественной культуры лезгин в целом. В своем творчестве Вы всегда пропагандировали тему нравственности и моральной чистоты, проникая в духовный мир наших современников. Вас, настоящего патриота своей малой родины, всегда отличали истинная интеллигентность и гражданственность. Искренне желаю Вам доброго здоровья, новых творческих успехов, мира и тепла Вам и Вашим близким!»
«Собравшиеся отмечали, что всеми уважаемый Сажидин Саидгасанов является истинным патриотом своей родины и заслуживает звания народного поэта. Несмотря на свой преклонный возраст, юбиляр тесно общается с детьми, ведет активный образ жизни и потому ему будет оказана материальная помощь в издании последующих его книг», - сообщил источник.
В рамках мероприятия глава района Нариман Абдулмуталибов вручил юбиляру награду - «Почетный гражданин Сулейман-Стальского района». На торжестве дагестанскими и районными артистами и певцами Фаризат Зейналовой, Седакет Керимовой, Сейранат Наджафовой, Русланом Пирвердиевым были исполнены песни на стихи Сажидина Саидгасанова. А коллективом лезгинского музыкально-драматического театра им. Сулеймана Стальского были исполнены юмористические сценки по мотивам произведений поэта. (из сайтов)

 

 

Комментарии (0)

Нет комментариев. Ваш будет первым!